USA·FIFA #11
އެމެރިކާ
މައުރީސިއޯ ޕޮޗެޓީނޯ
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 349 މިލިއަން މީހުން
އެމެރިކާ އަކީ ދުނިޔޭގެ އެންމެ ނުފޫޒު ގަދަ ގައުމެވެ. މި ފަހަރުގެ ވޯލްޑް ކަޕް ބާއްވާ މައި ގައުމު ވެސްމެ އެވެ. އެމެރިކާގެ ގާނޫނު އަސާސީގައިވަނީ އެންމެ 4543 ބަހެވެ. އެމެރިކާގައި 27 ބާވަތެއް ދިދަ ގެންގުޅެ އެވެ. ކޮންމެ ސްޓޭޓަކަށް ވަކި ދިދަ އެކެވެ. ގައުމުގެ އެންމެ ދުވަސްވީ ސިޓީ އަކީ ފްލޮރިޑާ އެވެ. ނިއުޔޯކަކީ ދުނިޔޭގެ މާލީ ދަރުބާރެވެ. މުޅި ދުނިޔެ އަށް އަތްގަދަ ކުރުމުގެ ވިސްނުމުގެ ތެރެއިން އެމެރިކާގެ އެންމެ އިސްކަންދޭ ކަމަކީ އެ ގައުމުގެ ގައުމީ ސަލާމަތް ވަރުގަދަ ކުރުމަށެވެ. އެމެރިކާގައި ފުޓްބޯޅައިގެ މަގުބޫލުކަން އަންނަނީ އެމެރިކަން ފުޓްބޯޅަ އާއި ބާސްކެޓްބޯޅަ އާއި ބޭސްބޯޅަ، ޓެނިސް އަދި ބައެއް ފަހަރު ހޮކީގެ ވެސް ފަހަތުންނެވެ. ނަމަވެސް މި ފަހަރުގެ ވޯލްޑް ކަޕަކީ އެ ގައުމުގައި ބާއްވާ ދެ ވަނަ ވޯލްޑް ކަޕެވެ.
02
ވޯލްޑް ކަޕަށް ކޮލިފައިވީ ގޮތް:
އެމެރިކާ ވޯލްޑް ކަޕަށް ކޮލިފައިވީ މުބާރާތް ބާއްވާ ގައުމުގެ ހައިސިއްޔަތުންނެވެ. މިއީ ފަހަރުގައި އެމީހުންނަށް އޮތް ގޮންޖެހުމެކެވެ.
03
ފުޓްބޯޅައިގެ ހާލަތު:
1994 ވަނަ އަހަރުގެ ވޯލްޑް ކަޕް ކުޅުނުކަން ވެސް އެމެރިކާގެ ބައެއް މީހުންނަށް އެނގުނީ މުބާރާތް ނިމުނު ފަހުންނެވެ. އޭގެ 22 އަހަރު ފަހުން ދުނިޔޭގެ އެންމެ ޝަރަފުވެރި މުބާރާތް ބާއްވާއިރު އެމެރިކާގެ ކުޅިވަރުގެ އީކުއޭޝަނަށް ވަނީ ވަރަށް ބޮޑެތި ބަދަލުތައް އައިސްފަ އެވެ. ޑޭވިޑް ބެކަމާއި ލަޔޮނަލް މެސީ ފަދަ ތަރިން އެމެރިކާގައި ކުލަބުތަކާ ގުޅުމުގެ ސަބަބުން ޒުވާން ޖީލުތަކުގެ މެދުގައި ފުޓްބޯޅައިގެ މަގުބޫލުކަން ވަނީ އިތުރުވާން ފަށައިފަ އެވެ. ފަހުގެ ދިރާސާތަކުން ދައްކާ ގޮތުގައި އެމެރިކާގެ 30 ޕަސެންޓް ގޭގޭގެ ކޮންމެވެސް އެކަކު ފުޓްބޯޅަ ކުޅެ އެވެ. އެމެރިކާގެ ލީގުގެ މެޗުތައް ކުޅޭއިރު ގިނަ ފަހަރު ސްޓޭޑިއަމްތައް އޮންނަނީ ފުރިބާރުވެފަ އެވެ. އެކަމަކު ފިރިހެނުންނަށްވުރެ ފުޓްބޯޅައިގައި ކާމިޔާބީ އެމެރިކާގެ އަންހެން ޓީމެވެ. ފިރިހެން ޓީމަށް 1930ގެ ފަހުން މިހާތަނަށް ވޯލްޑް ކަޕުގައި އެންމެ ދުރަށް ދެވުނީ ދެ ވަނަ ބުރާ ހަމައަށެވެ. އަދިވެސް އެންމެ ބޮޑު މައްސަލައަކީ އެމެރިކާގެ ލީގު އެއް ފެންވަރެއްގައި ކުރިއަށް ނުގެންދެވުމެވެ.
