PAR·FIFA #39
ޕެރަގުއޭ
ގުސްޓާވޯ ހޫލިއޯ އަލްފާރޯ
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 7 މިލިއަން މީހުން
ޕެރަގުއޭ އަކީ ދެކުނު އެމެރިކާގެ މެދުތެރޭގައި ވަށައިގެން ބެދިފައި އޮތް ތަރައްގީ ވަމުން އަންނަ ކުޑަ ގައުމެކެވެ. އިހުގައި އެއީ ސްޕޭނުގެ އަޅުވެތިކަމުގައި އޮތް ގައުމެކެވެ. ނަތީޖާއެއްގެ ގޮތުން އަދިވެސް ގިނަ ބަޔަކު ވާހަކަ ދައްކާ ބަހަކީ ސްޕެނިޝް ބަހެވެ. މިނިވަންވީ 18 ވަނަ ގަރުނުގަ އެވެ. ހުސްވި ގަރުނުގެ ފަހުކޮޅު ޕެރަގުއޭ މަޝްހޫރުވެފައިއޮތީ އިލެކްޓްރޯނިކް ސާމާނާއި ހަތިޔާރާއި ޑްރަގުގެ ހާއްޔެއްގެ ގޮތުގަ އެވެ. މިކަންކަން ބަދަލުކޮށް ގައުމުގެ އިގްތިސާދު ކޮޅަށް ޖަހައި 2024 ވަނަ އަހަރު ދުނިޔޭގެ އެންމެ އުފާވެރި ގައުމަކަށްވީ ވެސް ޕެރަގުއޭ އެވެ. ފަގީރުންގެ ނިސްބަތަކީ 24 ޕަސެންޓެވެ. އެއީ ދުނިޔޭގެ ހަތް ވަނަ އަށް ސޮއިބީން ތެޔޮ އުފައްދާ ގައުމެވެ. އެ ގައުމުގެ ޕަރާނާ ކޯރަކީ ދުނިޔޭގެ ދެ ވަނަ އަށް އެންމެ ދިގު ކޯރެވެ.
02
ވޯލްޑް ކަޕަށް ކޮލިފައިވީ ގޮތް:
ވޯލްޑް ކަޕް ފުޅާ ކުރުމުން ދެކުނު އެމެރިކާ އަށް އޮޓެމެޓިކް ހަ ޖާގަ ލިބުނެވެ. ޕެރަގުއޭ އަކީ މި ފަހަރުގެ ކޮލިފައިންގައި ހަ ވަނަ އަށް ދިޔަ ގައުމެވެ. ވޯލްޑް ކަޕުގައި ޕެރަގުއޭ ހިމެނެނީ އެމެރިކާ އާއި އޮސްޓްރޭލިޔާ އާއި ތުރުކީއާ އެއް ގްރޫޕެއްގަ އެވެ.
03
ފުޓްބޯޅައިގެ ހާލަތު:
ޕްރެގުއޭ މީހުންނަށް ފުޓްބޯޅަ ތައާރަފް ކޮށްދިނީ އެ ގައުމަށް ދިޔަ ނެދަލޭންޑްސްގެ މީހެކެވެ. އެއީ 18 ވަނަ ގަރުނުގެ ފަހުކޮޅު އެވެ. ފުޓްބޯޅަ އަކީ އެ ގައުމުގެ އެއްވަނަ ކުޅިވަރެވެ. ތިން ބައިކުޅަ އެއްބައި މީހުން ޝައުގުވެރިވާ ކުޅިވަރަކީ ފުޓްބޯޅަ އެވެ. ގައުމީ ޓީމު މަޝްހޫރުވެފައިވަނީ އަލްބްރޯޖާގެ ނަމުންނެވެ. ގައުމީ ޓީމުގެ އެންމެ ފުރިހަމަ ކާމިޔާބީ އަކީ 1953 އާއި 1979ގެ ކޮޕާ އެމެރިކާ ކާމިޔާބު ކުރުމެވެ. އޭގެ ފަހުން ފުޓްބޯޅަ ކުރިނޭރުމުގެ އެންމެ ބޮޑު ސަބަބަކު ތަކަކީ ދެފުށް ފެންނަ ނިޒާމެއް ނެތުމާއި މެޗު ފިކްސިން އާއި ކޮރަޕްޝަނުގެ މައްސަލަ އެވެ. މީގެ ސަބަބުން ގައުމުގައި ވަރުގަދަ ލީގެއް ވެސް ނެތެވެ. މޮޅު ކުޅުންތެރިން ދަނީ ޔޫރަޕުގެ ލީގުތަކަށެވެ. ވޯލްޑް ކަޕުގައި އެންމެ ދުރަށް ދެވުނީ 2010 ވަނަ އަހަރު ކުއާޓާ ފައިނަލަށެވެ.
