PAN·FIFA #38
ޕެނަމާ
ތޯމަސް ކްރިސްޓިއެންސެން
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 4 މިލިއަން މީހުން
ޕެސިފިކް ކަނޑުން އިރުއަރައިގެން ގޮސް އެޓްލާންޓިކް ކަނޑަށް އޮއްސޭ މަންޒަރު ދުނިޔެއިން ފެންނާނެ ހަމައެކަނި ގައުމަކީ ޕެނަމާ އެވެ. އެއީ ޕެސިފިކް ކަނޑުގައި ކޮލަމްބިއާ އާއި ކޮސްޓަރިކާއާ ދެމެދުގައި މެދުތެރޭ އެމެރިކާ އަށް ވާ ގޮތަށް އޮތް ކުޑަ ގައުމެކެވެ. 1881 ވަނަ އަހަރު ހެދި ޕެނަމާ ކެނަލް އަކީ ދުނިޔޭގެ ވިޔަފާރީގެ މުހިންމު މަގަކަށްވުމުން އެމެރިކާގެ ނުފޫޒު ޕެނަމާގައި ވަރަށް ބޮޑެވެ. ގައުމުގެ އިގްތިސާދުގެ ތިން ބައިކުޅަ އެއްބަޔަކީ މި ކެނަލްގެ މުއާމަލާތްތަކެވެ. އަހަރަކު ދެ މިލިއަން މީހުން ޒިޔާރަތް ކުރާ ގައުމުގެ ގިނަ ބަޔަކު ވާހަކަ ދައްކައި އުޅެނީ ސްޕޭން ބަހުންނެވެ. ސަބަބަކީ އިހުގައި 300 ވަރަކަށް އަހަރު ސްޕޭނު މީހުންގެ ބާރުގެ ދަށުގައި ޕެނަމާ އަހަރުތަކެއް ވަންދެން އޮތުމެވެ. ގައުމުގެ އިގްޔިސާދު ބިނާވެފައިވަނީ ކޮޕާ އާއި ދަގަނޑު އެކްސްޕޯޓް ކުރުމަށެވެ. މި ގޮތުން އެމެރިކާ އާއި ޗައިނާ އާއި ޖަޕާނާއި ކޮލަމްބިއާއަކީ ކެނެޑާގެ ވިޔަފާރީގެ މުހިންމު ބައިވެރިންނެވެ.
02
ވޯލްޑް ކަޕަށް ކޮލިފައިވީ ގޮތް:
ކޮންކާކަފް ކޮލިފައިންގައި ފުރަތަމަ ބުރުން ޕެނަމާ ޓޭބަލުވެ ކުރި ހޯދީ އެއްވެސް ދަތިކަމެއް ނެތި އެވެ. ކުޅުނު ހުރިހާ މެޗަކުން މޮޅުވެ 10 ގޯލު ޖަހައި ބައިކޮޅަށް ވަނީ އެންމެ ގޯލެކެވެ. ދެ ވަނަ ބުރުގައި ސުރިނާމް އާއި ގުއަޓެމާލާ އާއި އެލްސަލްވަޑީ ހިމެނުނު ގްރޫޕުގެ އެއްވަނަ ހޯދީ ވެސް މެޗަކުން ބަލިނުވެ އެވެ.
03
