ކްރޮއޭޝިޔާ

ކްރޮއޭޝިޔާގެ މެދުތެރޭގެ އެންމެ މުހިންމު ދައުރެއް އަދާކޮށްދޭނެ ދެ ކުޅުންތެރިންނަކީ ކެޕްޓަން ލޫކާ މޮޑްރިޗާއި މަޓެއޯ ކޮވަސިޗެވެ. މީގެ ތެރެއިން ކޮވަސިޗްގެ ރޯލު އެހާބޮޑަށް ސާފުނުވެ އެވެ. ސަބަބަކީ އޭނާ އަށްވުރެ މަޝްހޫރު ކުޅުންތެރިންގެ ހިޔަނީގައި ހުންނަން ޖެހުމާއި އެކިފަހަރު އެކި މަގާމުތަކަށް ކުޅުވާތީ އެވެ. އަނިޔާނުވެ ހުރެފިނަމަ މޮޑްރިޗާއެކު އޭނާ އަދާކުރަން ޖެހިފައިވަނީ މުހިންމު ރޯލެކެވެ.

މޮޑްރިޗަކީ އުމުރުން 40 އަހަރުވިޔަސް ޓީމުގެ މައި އިންޖީނެވެ. މެދުތެރޭގައި މިހާރު އޭނާ އަދާ ކުރަނީ ހަކަތަ ހިފަހައްޓައިގެން މުހިންމު ދަނޑިވަޅުތަކުގައި ހަރަކާތް އަވަސްކުރާ ކުޅުމެކެވެ. ގޯލްކީޕަރު ލިވަކޮވިޗަކީ އަދިވެސް ކޯޗުގެ އިތުބާރު ލިބިފައިވާ ކީޕަރެކެވެ. ޖަސްކޯ ގަވަޑިއޯލް އަކީ ޑިފެންސާއި އެޓޭކްގައި ބައިވެރިވާ އަރަނި ރަނގަޅު ކުޅުންތެރިއެކެވެ.ލުކީޕަރު އެލިމިއާނޯ މާޓިނޭޒް އާއި އެންޒޯ ފެނާންޑޭޒް, އެލެކްސިސް މެކަލިސްޓަރ, ލިސަންދްރޯ މާޓިނޭޒް ގެ އިތުރުން ކްރިސްޓިއަން ރޮމޭނޯ ފާހަގަކޮށްލެވެ އެވެ.

ކްރޮއޭޝިޔާގެ އެންމެ ބޮޑު ބާރަކީ އެ މީހުންގެ އެންމެ ބޮޑު ބަލިފަޔެވެ. އެއީ ޓީމުގެ ތަޖުރިބާ ނުވަތަ އުމުރުން ދުވަސްވީ ކުޅުންތެރިންނެވެ. ޓީމުގެ އެންމެ މުހިންމު ލީޑަރަކީ 40 އަހަރުގެ ކެޕްޓަން ލޫކާ މޮޑްރިޗެވެ. މީގެ އިތުރުން ފަހަރުން ވުސްކޮވިޗަކީ އެންމެ މުހިންމު ޑިފެންޑަރެވެ. ދިފާއީ ފާރުގައި ޖެހޭ މައިގަނޑު މައްސަލައަކީ ކުރިއަރާފައި ރަނގަޅު ޓްރާންސިޝަން ނުހެދޭ މައްސަލަ އެވެ. ޖެސްކޯ ގަވަޑިއޯލް އަކީ ވާތު ބެކް ކަމަށްވާއިރު އޭނާގެ އަނިޔާ ރަނގަޅު ވެގެން ކުރީގެ ފިޓްނަސްއަށް އާދެވުނު ކަމާމެދު ސުވާލު އުފެދެ އެވެ.

ކޯޗު: ލަޓްކޯ ޑަލިކް

ގައުމު: ޔޫގޯސްލާވިއާ

އުމުރު: 51

ލަޓްކޯ ޑަލިކް އަކީ ބޮސްނިއާ އަށް އުފަންވި މީހެކެވެ. އޭނާ އަށް ކްރޮއޭޝިޔާގެ ކޯޗުކަން ދިނުމާ ހަމައަށް މަސައްކަތް ކޮށްފައިވަނީ މެދުއިރުމަތީގެ ޓީމުތަކަށް ކޯޗުކޮށްދިނުމުގަ އެވެ. ޑަލިކް އަކީ ހަރުކަށި އުސޫލުތަކެއް ގެންގުޅޭ ކޯޗެއްނޫނެވެ. އެކަމަކު އޭނާ ގަބޫލުކުރާ ގޮތުގައި ޓީމަށް 100 ޕަސެންޓް ނުދޭ ކުޅުންތެރިއަކަށް ގައުމީ ޖާޒީ ހައްގު ނުވާނެ އެވެ. ގައުމީ ކޯޗުކަމުގައި އޭނާގެ ހަތް އަހަރަށް ބަލާއިރު އެކަކު ވެސް ހީނުކުރާ އުހަށް ވަނީ ޓީމު ގެންގޮސްދީފަ އެވެ. ތަޖުރިބާކާރުންނާއި ޒުވާން ކުޅުންތެރިންގެ ޕޫލެއް ގެންގުޅުމަކީ އޭނާގެ އާދައެކެވެ. އޭނާގެ ކޯޗުކަމުގައި ގައުމީ ޓީމު ކުޅުނު ދެބައިކުޅަ އެއްބައި މެޗުތަކާއި ބޮޑެތި މުބާރާތްތަކުގެ މުހިންމު ގިނަ މެޗުތަކުން ކާމިޔާބު ހޯދި އެވެ. މިހެންވެ ޔޫރޯގައި ކޮންމެ ނަތީޖާއެއް ނުކުތަސް އޭނާ ވަޒީފާއާމެދު ސުވާލެއްނެތެވެ.

އަހަރުމެން ޓީމުގައި 14 ނުވަތަ 15 ކުޅުންތެރިން އެބަތިބި ވަރަށް މޮޅު. އަހަރެން ދެކޭ ގޮތުގައި މިފަހަރުގެ ވޯލްޑް ކަޕަކީ އަނެއްކާ ވެސް ކްރޮއޭޝިޔާ އަށް ތަފާތުތަކެއް ދެއްކިދާނެ މުބާރާތެއް. އެކަމަކު ކުރީ ދެ ފަހަރު އަހަރުމެންގެ ސަޕޯޓަރުން އަހަރުމެންނަށް ވަރަށް ބޮޑަށް އެހީތެރިވެދިން. އެ ތަރުހީބު މިހާރު ވެސް ބޭނުންވޭ.