MAR·FIFA #13
މޮރޮކޯ
މުހައްމަދު ވާބީ
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 38 މިލިއަން މީހުން
ކިންގްޑަމް އޮފް މޮރޮކޯ އަކީ އިހުގައި ފްރާންސްގެ ބެލުމުގެ ދަށުގައި އޮތް ގައުމެކެވެ. ދުނިޔޭގެ އެންމެ ދުވަސްވީ ޔުނިވަރަސިޓީ ހުންނަނީ މި ގައުމުގަ އެވެ. މޮރޮކޯގެ ރަސްމީ ބަހަކީ އަރަބި އާއި ބާބާ ކަމުގައިވިޔަސް ރަސްމީ މުއާމަލާތްތަކުގައި ބޭނުން ކުރަނީ ފްރާންސް ބަހެވެ. މޮރޮކޯ މީހުން ބެހިފައިވަނީ މައިގަނޑު ދެ ބަޔަކަށެވެ. އެއީ ބާބާ އާއި އަރަބިންނެވެ. މީގެ ތެރެއިން 30 ޕަސެންޓް ހިއްސާކުރާ ބާބާ މީހުން މަޝްހޫރުވެފައިވަނީ ދޫކޮށްލެވިފައިވާ ބައެއްގެ ގޮތުގަ އެވެ. އާބާދީގެ 99 ޕަސެންޓް ސުންނީ މުސްލިމު ގައުމުގައި ފުޓްބޯޅަ އަކީ އެންމެ މަގުބޫލު ކުޅިވަރެވެ. މެހުމާނުންނަށް މޮރޮކޯއިން މަރުހަބާ ކިޔަނީ އާއްމުކޮށް މަޢުރިބް މިންޓް ސަޔަކުންނެވެ. މިއީ މިންޓް އުފެއްދުމުގައި މަޝްހޫރު ގައުމުގެ އެންމެ އާއްމު ބުއިން ވެސް މެ އެވެ. މޮރޮކޯގެ ސަހަރަކާތަކަކީ ޔޫރަޕަށް ހިޖުރަ ކުރުމުގައި ވަރަށް ގިނަ ބަޔަކު ބޭނުންކުރާ މަގަކަށްވާއިރު މޮރޮކޯ އަކީ އެހާމެ ގިނަ ބައެއްގެ ވަގުތީ މަންޒިލެއްވެސްމެ އެވެ. މެޑިޓެރޭނިއަން ކަނޑާއި އެޓްލާންޓިކް ކަނޑުގައި ދަމާލެވިފައިވާ ދިގު އައްސޭރި ފަށަކާއޮތް މޮރޮކޯ އަކީ އެފްރިކާގެ ފަސް ވަނަ އަށް އެންމެ ވަރުގަދަ އިގްތިސާދެވެ. އަހަރަކު 10 މިލިއަން މީހުން އެ ގައުމަށް ޒިޔާރަތްކުރެ އެވެ.
02
ވޯލްޑް ކަޕަށް ކޮލިފައިވީ ގޮތް:
މޮރޮކޯ ކޮލިފައިވީ ފަސޭހަ ކަމާއެކުގަ އެވެ. އެފްރިކާ ބައްރުގެ ކޮލިފައިންގެ ގްރޫޕް އީގައި ބާކީ ދެ މެޗު އޮއްވަ އެވެ. އެ މީހުން ކޮލިފައިވި މެޗަކީ ރަބާތުގައި ނިގާ އަތުން 5-0އިން މޮޅުވި މެޗެވެ. މުބާރާތުގައި މޮރޮކޯ ހިމެނެނީ ބްރެޒިލާއި ހައިޓީ އާއި ސްކޮޓްލޭންޑް ހިމެނޭ ގްރޫޕުގަ އެވެ.
03
