HAI·FIFA #47
ހައިޓީ
ސެބަސްޓިއަން ބާނާޑް މިންގޭ
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 12 މިލިއަން މީހުން
ކެރީބިއަން ސަރަހައްދުގައިވާ ހައިޓީ އަކީ ފަރުބަދަތައް ގިނަ ގައުމެކެވެ. ހައިޓީ މި ނަމަކީ ވެސް އުސް ފަރުބަދަތަކަށް ނިސްބަކޮށް ކިޔާފައިވާ ނަމެކެވެ. ނަމަވެސް މިއީ މައްސަލަ ބޮޑު ގައުމެކެވެ. މިހެންވެ ވޯލްޑް ކަޕަށް ކޮލިފައިވީ ވެސް އަމިއްލަ ގައުމުގައި އެންމެ މެޗެއް ވެސް ނުކުޅެ އެވެ. އިންތިހާބީ އެއްވެސް މީހަކު ހައިޓީގައި ނުހުންނާނެ އެވެ. ގޭންގް ކުށްތައް ގިނަ އެވެ. ޒަމާންވީ ތާރީހަށް ބަލާއިރު ވެސް އެއީ އާދައިގެ ހާލަތެއްގައި އޮތް އިގްތިސާދީ ގޮތުން ދަތި ގައުމެކެވެ. އިންސާނީ ވަގުފާރީގައި ކުރީގައި އުޅޭ ގައުމެކެވެ. ދުނިޔޭގެ އެންމެ ކުޑަކޮށް ތަރައްގީވެފައިވާ ގައުމެވެ. ގައުމުގެ އާމްދަނީގެ 90 ޕަސެންޓަކީ ވެނެޒުއޭލާއާއެކު ކުރާ ތެލުގެ ވިޔަފާރީން ލިބޭ ފައިސާ އެވެ.
ހައިޓީއަކީ އެންމެ ފުރަތަމަ މިނިވަންވި ކަޅުމީހުން ދިރިއުޅުނު ގައުމެވެ. މިހާރު ވެސް ގިނަ ބަޔަކު ވާހަކަ ދައްކާ މައިގަނޑު އެއް ބަހަކީ ފްރާންސް ބަހެވެ. ޕީނަޓް ބަޓަރ އަކީ މި ގައުމުގައި މަޝްހޫރު ކެއުމުގެ ބާވަތެކެވެ. އަދި ކެއިން ބުއިމުގައި ހައިޓީ މީހުންނަކީ ވަރަށް ކުޅިކޮށް ކާބައެކެވެ.
02
ވޯލްޑް ކަޕަށް ކޮލިފައިވީ ގޮތް:
ހައިޓީ ވޯލްޑް ކަޕަށް ކޮލިފައިވީ ކޮންކާކަފް ސަހަރައްދުގެ ތިން ވަނަ ބުރުގައި ގްރޫޕް ސީގެ ކުރި ހޯދައިގެންނެވެ. ހަ މެޗު ކުޅުނުއިރު ތިން މެޗުން މޮޅުވެ، ދެ މެޗު އެއްވަރު ކުރި އެވެ. މިކަމުގައި އެންމެ ފާހަގަ ކުރެވުނު ކަމަކީ ހައިޓީގެ ހުރިހާ މެޗެއް ވެސް ގައުމުން ބޭރުގައި ކުޅެން ޖެހުމެވެ. މިއާއެކު ވެސް ހައިޓީ ކުޅުންތެރިން ވަނީ އެ މީހުންގެ ކެތްތެރިކަމާއި ހިތްވަރު ސާބިތުކޮށްދީފަ އެވެ.
03
