BRA·FIFA #5
ބްރެޒިލް
ކާލޯ އަންޗެލޯޓީ
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 213 މިލިއަން މީހުން
ބްރެޒިލް އަކީ ވޯލްޑް ކަޕުގެ ހުރިހާ މުބާރާތެއްގައި ކުޅެފައިވާ ހަމައެކަނި ގައުމެވެ. މުބާރާތް އެންމެ ގިނައިން ކާމިޔާބުކޮށްފައިވާ ގައުމަކީ ވެސް ބްރެޒިލް އެވެ. އެގައުމުގެ އެންމެ މަގުބޫލު ކުޅިވަރަކީ ވެސް ފުޓްބޯޅަ އެވެ. މަޝްހޫރު ޕެލޭ އާއި ރޮނާލްޑޯ އަދި ރޮނާލްޑީނިއޯ ފަދަ ތަރިން ބްރެޒިލަށް ކާމިޔާބުކޮށްދިން ވޯލްޑް ކަޕް މި ފަހަރު އަލުން ހޯދަން މަސައްކަތް ކުރާއިރު ބްރެޒިލަށް އޮތީ ތަފާތު ޕްރެޝަރެކެވެ. ސަބަބަކީ ވޯލްޑް ކަޕް ކާމިޔާބު ނުކުރެވި 24 އަހަރުވުމުގެ ޕްރެޝަރެވެ. މިއީ މިހާތަނަށް ދުނިޔޭގެ ތަށި ނުލިބި ބްރެޒިލް ހޭދަ ކުރަން ޖެހުނު އެންމެ ދިގު މުއްދަތެވެ.
މިކަން ނިމުމަކަށް ގެނައުމަށް ބްރެޒިލަށް ގިނަ ގޮންޖެހުންތަކެއް އެބަހުއްޓެވެ. ސަބަބަކީ ބްރެޒިލަށްވުރެ ޔޫރަޕުގައި މާމޮޅު ޓީމުތައް ތިބުމެވެ. ޔޫރަޕުގެ ބޮޑެތި ޓީމުތަކުގައި މޮޅަށް ކުޅެމުން އަންނަ ކުޅުންތެރިން ބްރެޒިލް ޓީމުގައި ތިއްބަސް މައްސަލައަކީ ޓީމެއްގެ ގޮތުގައި ނުކުޅެވުމެވެ. ބްރެޒިލް އަކީ ދުނިޔޭގެ ހަތަރު ކޮންޓިނެންޓްގައި ވޯލްޑް ކަޕް ކާމިޔާބު ކުރި ހަމައެކަނި ގައުމުވެސްމެ އެވެ. އެމެރިކާގައި 1994 ވަނަ އަހަރު ބޭއްވި މުބާރާތް ވެސް ކާމިޔާބު ކުރީ ބްރެޒިލެވެ.
02
ވޯލްޑް ކަޕަށް ކޮލިފައިވީ ގޮތް:
މި ފަހަރުގެ ވޯލްޑް ކަޕަށް ބްރެޒިލް ކޮލިފައިވީ ދަތިއުނދަގޫ މަގަކުންނެވެ. މުބާރާތް ފުޅާކޮށް 48 އަށް ބަދަލުކުރުމުން ދެކުނު އެމެރިކާ އަށް ގިނަ ޖާގަތަޖެއް ލިބިފައިނުވިނަމަ ބްރެޒިލް ކޮލިފައި ނުވެދާނެ ފަހަރަށް މިފަހަރުގެ ވޯލްޑްކަޕް ވެދާނެ ކަމުގެ ބިރު ވެސް ހީވި އެވެ. ކޮލިފައިންގައި ތިން ކޯޗަކު ޓީމަށް އެކި ފަހަރުތަކުގެ މަތިން އިރުޝާދު ދިނެވެ.
03
