IRQ·FIFA #40
އިރާގް
ގްރެހަމް އާނޮލްޑް
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 48 މިލިއަން މީހުން
އިރާގަކީ ވަރަށް ތަހުޒީބީ ގައުމެކެކެވެ. ދުނިޔެއަށް ގަނޑާއި ގަލަން ތައާރަފްވުމުގެ ކުރިން ލިޔެކިއުމުގެ ނިޒާމް އުފަންކުރި ބަޔަކީ އިރާގު މީހުންނެވެ. މިހާރު ގައުމުގައި ގިނައީ ޒުވާނުންނެވެ. ގައުމުގެ އާބާދީގެ 40 ޕަސެންޓަކީ އެމެރިކާއިން އިރާގަށް 2003 ވަނަ އަހަރު އަރައިގަތް ފަހުން އުފަންވި ކުދިންނެވެ. މުޅި ގައުމު ބަދަލު ކުރަމުންދަނީ އެ މީހުންގެ ޒުވާން ވިސްނުމުގަ އެވެ. އިރާގުން މިހާރު ފެނިގެންދާ ޒަމާނީ ބަދަލުތަކުގެ ސަބަބަކީ ވެސް މި ޒުވާނުންނެވެ. މީގެ އެއް މިސާލަކީ އިލެކްޓްރޯނިކް ވިސާ ސިސްޓަމް ބޭނުން ކުރަން ފެށުމެވެ. ގައުމުގައި ހަ އަހަރު ވަންދެން ތައުލީމް ވަނީ ހިލޭކޮށްފަ އެވެ. އަވަށްޓެރި ގައުމުތަކާ އަޅާ ބަލާއިރު ތައުލީމަށް އިރާގުންދޭ އަހަންމިއްޔަތުގެ ބޮޑުކަމުން އެ ގައުމުގެ 80 ޕަސެންޓް މީހުންނަކީ ލިޔަންކިޔަން ދަންނަ މީހުންނެވެ.
02
ވޯލްޑް ކަޕަށް ކޮލިފައިވީ ގޮތް:
އިރާގަކީ ވޯލްޑް ކަޕަށް އެންމެ ފަހުން ކޮލިފައިވި ގައުމެވެ. އެ މީހުން ކޮލިފައިވީ އިންޓަ ކޮންޓިނެންޓަލް ޕްލޭއޯފް ފައިނަލުގައި ދެކުނު އެމެރިކާ އަށް ނިސްބަތްވި ބޮލީވިއާ 2-1އިން ބަލިކޮށްގެންނެވެ.އެމެރިކާ އިން އިރާނާ ދެކޮޅަށް ފަށާފައިވާ ހަނގުރާމައިގެ ސަބަބުން އިރާގު ޓީމު މެޗު ކުޅެން މެކްސިކޯ އަށް ދިޔައީ ވެސް ދަތިތަކާއެކުގަ އެވެ. އެއީ މެދުއިރުމަތީގެ ގިނަ ގައުމުތަކުގެ ވައިގެ ސަރަހައްދު ބަންދުވެފައި އޮތުމުން ކޯޗު ގްރެހަމް އާނޮލްޑާއި ޓީމުގެ އެކިއެކި ކުޅުންތެރިން އެކި ގައުމުތަކުގައި ތިބެން ޖެހުމުން އެކަށީގެންވާ ޕްރެކްޓިސް ވެސް ނުކުރެވި އެވެ.އިރާގު ހިމެނެނީ މި މުބާރާތުގައި ފްރާންސާއި ނޯވޭ އާއި ސެނެގާލްއާއެކު ގްރޫޕް އައިގަ އެވެ.
03
