EGY·FIFA #25
މިސުރު
ހޮސާމް ހަސަން
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 120 މިލިއަން މީހުން
މިސުރަކީ އެފްރިކާގެ އުތުރުކަނުގައި އޮތް އިސްލާމީ ގައުމެކެވެ. އެގައުމުގެ ދެކުނު ގުޅިފައިވަނީ މަޝްހޫރު ރަތްކަނޑާ އެވެ. ގައުމުގެ ގިނަ ބަޔަކު ދިރިއުޅެނީ މަޝްހޫރު ނީލަކޯރާ ގާތުގަ އެވެ. މިސުރުގެ ބިމުގެ ބޮޑުބައި އަދިވެސް އޮންނަނީ ހަނަފަސްކޮށެވެ. މެދުއިރުމަތީގެ އެންމެ ވަރުގަދަ އިގްތިސާދެއް އޮތް ގައުމަކީ ވެސް މިސުރެވެ. ގައުމުގައި ހިންގަނީ އިސްލާމިކް ސިވިލް ލޯ އެވެ. ގައުމުގެ އިގްތިސާދު ބިނާވެފައިވަނީ ދަނޑުވެރިކަމާއި ގޭހާއި ތެލުގެ އިތުރުން މީޑިޔާ އާއި ފަތުރުވެރިކަމަށެވެ. ނަމަވެސް މިސުރަށް އެމެރިކާގެ ހިލޭ އެހީގެ ދަށުން 1979 އިން ފެށިގެން ކޮންމެ އަހަރަކު ވެސް 2.2ބިލިއަން ޑޮލަރު ލިބެމުންދެ އެވެ. އަހަރަކު 9.4 ބިލިއަން މީހުން މިސުރަށް ޒިޔާރަތްކުރާއިރު އެގަމުގެ މީޑިއާ އަކީ އަރަބިންގެ މެދުގައި ނުފޫޒުގަދަ މީޑިޔާތަކެކެވެ. މިސުރުގައި އެންމެ މަޝްހޫރު ކުޅިވަރަކީ ފުޓްބޯޅަ އެވެ. އެގައުމުގެ ކައިރޯ ޑާބީ އަކީ ދުނިޔޭގައި ހަތް ވަނަ އަށް އެންމެ ވާދަވެރި ފުޓްބޯޅަ މެޗެވެ. އެފްރިކާގެ ޗެމްޕިއަންކަން މިސުރުން ރެކޯޑް އަދަދެއް ކަމަށްވާ ހަތް ފަހަރު ހޯދާފައިވެ އެވެ.
02
ވޯލްޑް ކަޕަށް ކޮލިފައިވީ ގޮތް:
މިސުރު ވޯލްޑް ކަޕަށް ކޮލިފައިވީ އެފްރިކާގެ ގްރޫޕް އޭގެ އެއްވަނަ ޓީމުގެ ގޮތުގަ އެވެ. ކުޅުނު 10 މެޗުގެ ތެރެއިން އަށް މެޗު ކާމިޔާބުކުރި އެވެ. ފައިދާ ގޯލުގެ ތަފާތު އޮތީ 18ގަ އެވެ.
03
