CZE·FIFA #28
ޗެކިއާ
މިރޮސްލާވް ކޫބެކް
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 10 މިލިއަން މީހުން
ޗެކް ރިޕަބްލިކް އަކީ 1992 ޗަނަ އަހަރު ޗެކޮސްލަވާކިޔާ ބައިބައިވެދިއުމުން އުފެދުނު ޖުމްހޫރިއްޔާ އެވެ. ޔޫރަޕުގެ މެދުތެރެއަށް ފިތިފައި އޮތް ގައުމަކީ ދުނިޔޭގެ އެންމެ ރައްކާތެރި 10 ގައުމުގެ ތެރެއިން އެއް ގައުމެވެ. ޔޫރަޕުގައި އެންމެ ކިއްލާތައް ގިނަ ގައުމެވެ. މިގައުމުގައި އެކަނި ވެސް 2000ވުރެ ގިނަ ކިއްލާ އެބަހުއްޓެވެ. ނިސްބަތުން މިއީ ތައުލީމީ ގައުމެކެވެ. ވަރުގަދަ އިގްތިސާދެއް އޮތް ގައުމުގެ ގާތްގަނޑަކަށް 90 ޕަސެންޓް މީހުން ތިބީ ސެކަންޑަރީ ތައުލީމް ނިންމާފައެވެ. ޗެކްރިޕަބްލިކްގެ އެންމެ މަގުބޫލު ކުޅިވަރަކީ އައިސް ހޮކީ އެވެ. ފުޓްބޯޅައަށްވުރެ ބޮޑަށް ދުނިޔެ އަށް ޗެކް ރިޕަބްރިކް މަޝްހޫރުވެފައިވަނީ އަންހެނުންގެ ޓެނިހުގަ އެވެ. ސްޓެފީ ގްރާފާއި މާޓިނާނަވްރަޓިލޮވާ އަކީ ދުނިޔޭގެ އަލިގަދަ ތަރިންނެވެ. ދުނިޔޭގެ ގަދަ 100 ޓެނިސް ކުޅުންތެރިންގެ ތެރޭގައި ޗެކް ރިޕަބްލިކްގެ އަށް ކުޅުންތެރިން ހިމެނެ އެވެ.
02
ވޯލްޑް ކަޕަށް ކޮލިފައިވީ ގޮތް:
ޗެކް ރިޕަބްލިކް އަކީ ޔޫރަޕުން މި ފަހަރުގެ ވޯލްޑް ކަޕަށް ކޮލިފައިވި އެންމެ ފަހު ގައުމެވެ. ވޯލްޑް ކަޕަށް ޗެކްރިޕަބްލިކް ކޮލިފައިވީ ޔޫރަޕުގެ ޕްލޭއޯފް ކުޅެގެންނެވެ. ޕެނަލްޓީ ޖަހައިގެން ޑެންމާކް ބަލިކޮށްގެންނެވެ.
03
ފުޓްބޯޅައިގެ ހާލަތު:
ޗެކޮސްލަވާކިޔާ އަކީ އިހުގައި ފުޓްބޯޅައިގެ ބާރެކެވެ. 1934 އާއި 1962 ވަނަ އަހަރުގެ ވޯލްޑް ކަޕް ފައިނަލްގައި ކުޅެ ބަލިވީ އެވެ. އެކަމަކު 1976ގެ ޔޫރޯ ކާމިޔާބު ކުރީ އެ މީހުންނެވެ. މި ގައުމުގެ ފުޓްބޯޅައިގެ ތާރީހު ނިސްބަތްވިޔަސް ޗެކް ރިޕަބްލިކަށް އެފަދަ ފަންވަރެއް ނުދެއްކެ އެވެ. މިފަހަރުގެ ވޯލްޑް ކަޕަކީ 1994ގެ ފަހުން ޗެކްރިޕަބްލިކް ކުޅޭ ފުރަތަމަ ވޯލްޑް ކަޕެވެ. އެ ގައުމުގެ ކުލަބުތަކަކީ ވެސް ޔޫރަޕުގެ މެދު ފަންތީގެ ކުލަބުތަކެވެ. ގިނަ ކުޅުންތެރިން ކުޅެނީ ޔޫރަޕުގެ ގަދަ ލީގުތަކުގަ އެވެ. އެކަމަކު ޓީމެއްގެ ގޮތުގައި ގައުމީ ޓީމަށް ނަތީޖާ ނެރުން ވަނީ ދަތިކަމަކަށް ވެފަ އެވެ. މީގެ އެއް ސަބަބަކީ ކުޅުންތެރިންގެ އަހުލާގީ މައްސަލަތަކެވެ. ހާއްސަކޮށް ޓީމެއްގެ ގޮތުގައި ގުޅުން ކުޑަވުމެވެ.
