CUW·FIFA #48
ކިއުރަސާއޯ
ޑިކް އެޑްވޮކާޓް
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 185440 މީހުން
ކިއުރަސާއޯއަކީ ކެރިބިއަން ގައުމެކެވެ. ރާއްޖެ ފަދަ ކުޑަ ޖަޒީރާއެކެވެ. ސްޕޭނާއި ނެދަލޭންޑްސް އަދި އިނގިރޭސިން އަތްގަދަ ކޮށްގެން އުޅުނު ކުޑަކުޑަ މީސްކޮޅު މަދު ބައެކެވެ. ކިއުރަސާއޯގެ މާނައަކީ ހިތެވެ. އެތަން ވެރިކޮށްގެން އުޅުނު ކޮންމެ ބަޔަކު ވެސް އެކަން ކުރީ ވިޔަފާރީގެ މަގުގައި އެ ހިތުގެ ނުވަތަ މުހިންމު އެ ބަނދަރުގެ ބޭނުން ބޮޑުކަމުންނެވެ. ސާފު ހުދު ދޮންވެލި ގޮނޑުދޮށްތަކާއި ފަޅުތަކާއި ދިގު އައްސޭރި ފަށެއް ލިބިފައިވާ ކިއުރަސާއޯގެ ވަށައިގެން އޮތީ ކަނޑެވެ. އެ މީހުންގެ ދިދާގައިވާ ގަދަ ނޫލަ ރަމްޒުކޮށްދެނީ ވަށައިގެންވާ މާސިންގާ ކަނޑާއި ނޫއުޑެވެ. ތާރީހީ އެތަކެއް އާސާރެއް ހުރި ކިއުރަސާއޯގެ މީހުންނަކީ ސާފު އަދި ރީތި ކަމަށް ލޯބިކުރާ ކަމެކެވެ. އަބަދުވެސް ހޫނު މޫސުން އޮންނަ މި ގައުމަށް އަރައިފިނަމަ އެންމެ ގިނައިން އިވޭނެ އެއް ބަހަކީ "ދުށީ" އެވެ. މާނައަކީ ވަރަށް ހިތްހަމަޖެހޭ، ވަރަށް ރީތީ، އޯގާތެރި ފަދަ ބަސްތަކުގެ މާނަ އެވެ. އެމީހުން ބޭނުން ކުރަނީ ނެދަލޭންޑްސްގެ ފައިސާ އާއި ބަހެވެ. ގައުމުގެ އިގްތިސާދު ބިނާވެފައިވަނީ ތެލުގެ މައްޗަށެވެ.
02
ވޯލްޑް ކަޕަށް ކޮލިފައިވީ ގޮތް:
މުޅިން އަލަށް ކިއުރަސާއޯ ވޯލްޑް ކަޕަށް ކޮލިފައިވީ ކޮންކާކަޕް ސަރަހައްދުގެ ދެ ވަނަ ބުރުގައި ގްރޫޕް ބީގެ އެއްވަނަ ހޯދައިގެންނެވެ. ކޮލިފައިންގެ ދެބުރުގައި ޖުމުލަ 10 މެޗު ކުޅުނުއިރު އެ މީހުން އެންމެ މެޗަކުން ބަލިނުވެ އެވެ. ހަތް މެޗު ކާމިޔާބުކޮށް އަނެއް ތިން މެޗުވީ އެއްވަރެވެ.
03
