COD·FIFA #37
ކޮންގޯ
ސެބަސްޓިއަން ޑިސޭބްރާ
01ޓީމު ޕްރޮފައިލް
01
ގައުމުގެ ތައާރަފް:
އާބާދީ: 6 މިލިއަން މީހުން
ބެލްޖިއަމް އަތުން ކޮންގޯ މިނިވަންވީ 1960ގަ އެވެ. އެފްރިކާ ބައްރުގައި ނުވަ ގައުމަކާ އިންވެގެން އޮތް ކޮންގޯ އަކީ މި ސަރަހައްދުގެ ދެ ވަނަ އަށް އެންމެ ބޮޑު ގައުމެވެ. އެހާ ތަނަވަސް ގައުމެއް ނޫނެވެ. ކުޑަކުދިން ހަނގުރާމައިގައި ބައިވެރިކުރުމާއި އަސްކަރިއްޔާ އަށް ނެރުން އިންތިހާ އަށް އޮތުމުން ކޮންގޯ އަކީ އދ. އިން އެންމެ ވަރުގަދަ އިސްލާހީ ހަރަކާތް ހިންގަން ޖެހުނު އެއް ގައުމެވެ. އިގްތިސާދު ބިނާވެފައިވަނީ ތެލާއި ދަނޑުވަރިކަމަށެވެ. އަތްތެރި މަސައްކަތުގައި ވެސް ކޮންގޯ އަކީ ގަދަ ބައެކެވެ. މާ ތަނަވަސް ނޫނަސް އެއީ ގުދުރަތީ ވަސީލަތްތައް މުއްސަނދި ގައުމެކެވެ. ރަނާއި ރިއްސާއި މައުދަނާއި ތެލަކީ ވެސް އެ ގައުމުގައި ގިނަ އެވެ. މައިގަނޑު ފަސް ބަހަކުން ވާހަކަ ދައްކާ ގައުމުގެ ގިނަ މީހުންނަކީ އަހަރަކު 200 ޑޮލަރު ވެސް ނުލިބޭ މީހުންނެވެ. މުސްލިމް އާބާދީ އަކީ ގާތްގަނޑަކަށް 10 ޕަސެންޓެވެ.
02
ވޯލްޑް ކަޕަށް ކޮލިފައިވީ ގޮތް:
ކޮންގޯ ވޯލްޑް ކަޕަށް ކޮލިފައިވީ އިންޓަކޮންޓިނެންޓަލް ޕްލޭއޯފް ކުޅެގެންނެވެ. ބަލިކުރީ ޖެމެއިކާ އެވެ. މި ހިސާބަށް ކޮންގޯ ދަތުރު ކުރީ އެފްރިކާގެ ކޮލިފައިންގެ ގްރޫޕް ބީގެ ދެ ވަނަ ހޯދައިގެންނެވެ. ސެނެގާލަށްވުރެ ކޮންގޯ އަށް މަދުވީ އެންމެ ދެ ޕޮއިންޓެވެ. ކޮލިފައިންގައި ކޮންގޯ އާއި ސެންގާލަށް ވެސް މޮޅުވެވުނީ ކުޅުނު 10 މެޗުގެ ތެރެއިން ހަތް މެޗުންނެވެ.
03
