ކެނެޑާ

އިތުބާރު ޑިފެންޑަރު އަލްފަންސޯ ޑޭވިސް އަކީ ޔޫރަޕުގައި ކެނެޑާގެ ނަން ދިރުވައިދޭ ކުޅުންތެރިޔާ އެވެ. މާޗު މަހު ފަޔަށް ލިބުނު އަނިޔާ އަކަށް ފަހު އޭނާ ވޯލްޑް ކަޕަށް ފިޓްވެއްޖެނަމަ އެކަންވާނީ މުޅި ގައުމަށް ވެސް ލިބޭނެ އިތުބާރަކަށެވެ. އެންމެ ފަހުގެ ވޯލްޑް ކަޕަށް މުޅި ގައުމު ކޮނޑު އަޅައިގެން ދިޔަ ކުޅުންތެރިއަކީ ވެސް އޭނާ އެވެ. ބަޔާން މިއުނިކްގައި ވާތު ބެކަށް ކުޅުނަސް ކެނެޑާގަ ގައުމީ ޖާޒީގައި އޭނާ އަކީ ވަރުބަލިކަމެއް ނެތި ވާތް ފަރާތުން ފަހަތުން ކުރިއަށް ދުވާ ޓީމުގެ އެންމެ މުހިންމު އެއް ތަނބެވެ.

ކެނެޑާގެ ކުޅުންތެރިންގެ ތެރެއިން ޖޮނަތަން ޑޭވިޑް އަކީ އެންމެ އިސް އެއް ފޯވަޑެވެ. ފްރާންސްގެ ލިލް އަށް ގިނަ ގޯލު ތަކެއް ޖަހައިދީފައިވާ ފޯވަޑް މިހާރު ކުޅެމުންދަނީ އިޓަލީގެ ޔުވެންޓަސް އަށެވެ. ޓީމުގެ އެހެން ކުޅުންތެރިންނަށް ބަލާއިރު ސްޕޭނުގެ ވިޔަރެއާލް އަށް ކުޅޭ މިޑްފީލްޑަރު ޓަޖަން ބުޗަނަން އާއި ޕޯޓޯ އަށް ކުޅޭ ތަޖުރިބާކާރު ކުޅުންތެރިޔާ ސްޓެފަން ޔުސްޓާކިއޯ އަކީ ފާހަގަ ކޮށްލެވޭ ކުޅުންތެރިއެކެވެ.

ކެނެޑާގެ ކޯޗަށް އެންމެ ބޮޑު ބޮލު ރިހުމަކީ ގޯލްކީޕަރުގެ އަންގި ދޭނެ ކުޅުންތެރިއެއްގެ މައްސަލަ އެވެ. ޓީމުގެ ސްޓައިލަކީ ހައި ޕްރެސިން އެވެ. ގިނައީ ޒުވާން ކުޅުންތެރިންނެވެ. ޓީމު ހަލުވި ވެފައި ކައުންޓަ އެޓޭކްގައި ވަރުގަދަކޮށް ފެންނަނީ މި ނޫކަށި ފުރައިގެ ޒުވާނުންގެ ހިތްވަރުންނެވެ. ޓީމުގެ ފަހަތާއި މެދުތެރޭގައި ހާއެޅުން އޮތަސް ކޯޗު ގަބޫލު ކުރަނީ ހައި ޕްރެސް ކޮށްގެންނޫނީ ކުރިއެރުން ނުލިބޭނެ ކަމެވެ. އެކަމަކު ގޯލު ނުޖެހުމަކީ އެންމެ ބޮޑު މައްސަލަ އެވެ. އެންމެ ފަހުން އެ ގައުމު ކުޅުނު އަށް މެޗުގެ ތެރެއިން ހަ މެޗުގައި އޯޕަން ޕްލޭގައި ގޯލެއް ނުޖެހަ އެވެ.

ކޯޗު: ޖެސީ މާޝް

އުމުރު: 52

ގައުމު:

ކޯޗު ޖެސީ މާޝް އޭނާގެ ކުޅުމުގެ ދުވަސްވަރު ވަރަށް ވިސްނުންތެރި މިޑްފީލްޑަރެކެވެ. ކެނެޑާގެ ކޯޗަކަށް ގެންދިއުމުގެ ކުރިން އެ ގައުމުގެ ކުލަބުތަކަށް ކޯޗުކޮށްދީ ޔުނިވަސިޓީތަކުގައި ކިޔަވަން ވެސް އުޅުނެވެ، އޭނާ އަކީ ވަރަށް މަސައްކަތްތެރި ހުށހިޔާރު މީހެކެވެ. ޔެސޭ ދެ ވަނަ ފަހަރަށް ގައުމީ ކޯޗުކަން ދިނީ އޭނާގެ ކުރީގެ ރެކޯޑް ތަކަށް ވެސް ބަލައިފަ އެވެ. ކޮޕާ އެމެރިކާގެ ސެމީ ފައިނަލަށް ގެންގޮސްދިނުމާއި އިނގިރޭސިވިލާތުގެ ލީޑްސް އާއި ޖަރުމަނުގެ ލައިޕްޒިގާއި އޮސްޓްރިއާގެ ސަލްސްބާގްގައި އޭނާ ހޯދި ތަޖުރިބާއިން ގައުމީ ޓީމަށް ފައިދާ ކޮށްފާނެ ކަމަށް ދެކިގެންނެވެ.

ޓީމު ދަނީ ކުރިއަރަމުން. އަހަރުމެން ގޯލު ޖަހަން ޖެހޭ ކުރިއެރުން ސާބިތު ކޮށްދޭނެ. އަހަރުމެން ޗާންސް ހޯދަން. މެޗު ކޮންޓްރޯލް ވެސް ކުރަން. އެކަމަކު ގޯލު ޖެހުން އެހާ ފުރިހަމައެއްނޫން. މިހެންވެ އަހަރުމެންނަށް އެނގޭ ފަހަތް ވަރަށް އޮގަނައިޒްވާން ޖެހޭނެކަން.