އަލްޖީރިއާ

އަލްޖީރިއާގެ އެންމެ މަޝްހޫރު ކުޅުންތެރިއަކީ ރިޔާދް މާރޭޒް އެވެ. އިނގިރޭސި ޕްރެމިއާ ލީގު އެތައް ފަހަރަކު މެންޗެސްޓާ ސިޓީގައި ހޯދި ކުޅުންތެރިޔާ ވަނީ އެފްރިކާ ކަޕުގައި ވެސް މުހިންމު ދައުރެއް އަދާ ކޮށްދީފަ އެވެ.

ގޯލްކީޕަރު ލޫކާ ޒިދާނަކީ ފްރާންސާއި ސްޕޭނުން ފުރުސަތު ގެއްލުމުން އަލްޖީރިއާ އިހްތިޔާރު ކުރި ކުޅުންތެރިއެކެވެ. އޭނާ އުޅެ ބޮޑުވީ ސްޕޭނުގަ އެވެ. ބައްޕަކީ އަލްޖީރިއާ ދެމަފިރިއަކަށް ލިބުނު ފްރާންސްގެ ކުރީގެ ކެޕްޓަން ޒައިނުއްދީން ޒިދާނެވެ. ލޫކާ ވަނީ ރެއާލް މެޑްރިޑުގައި ބައްޕަގެ އިރުޝާދުގެ ދަށުން މެޗުތަކެއް ވެސް ކުޅެފަ އެވެ.

ރަޔަން އައިޓް ނޫރީ އަކީ ވެސް ތަޖުރިބާކާރު ކުޅުންތެރިއެކެވެ. ވާތްފަރާތު އަރިމަތިން އޭނާ ދައްކާ ކުޅުމުގެ ސަބަބުން ޔޫރަޕުގެ ގަދަ ކުލަބުތަކުގެ ލޮލުގައިވަނީ އަޅައިގެންފަ އެވެ.

އަލްޖީރިއާގެ އެންމެ ބޮޑު މައްސަލައަކީ ކުޅަދާނެ ގޯލްކީޕަރަކު ނެތުމެވެ. ވަރަށް ގިނަ ކީޕަރުން ޓެސްޓްކޮށްގެން ވެސް ގައުމީ ޓީމުގެ ގޯލުގައި ދެމެހެއްޓެނިވި ގޮތެއް ހުންނާނެ މީހަކު އަދިނުވެ އެވެ. ކިރިޔާ ވެސް އެކަން ކޮށްފާނެ ކަމަށް ހީކުރެވުނު ލޫކާ ޒިދާނަށް ވޯލްޑް ކަޕް ކައިރިވެފައިވަނިކޮށް ވަނީ ބޮޑު އަނިޔާއެއްވެފަ އެވެ. ޓީމުގެ އެޓޭކް ވަރުގަދަ އެވެ. އެކަމަކު ފުލްބެކުންގެ މައްސަލައަކީ ވެސް މިހާތަނަށް ހައްލު ނުކުރެވި އޮތް ކަމެކެވެ.

ކޯޗު: ވަލްޑަމީރު ޕެޓްކޮވިޗް

އުމުރު: 62

ގައުމު: ޔޫގޯސްލާވިޔާ

އަލްޖީރިއާގެ ކޯޗަކީ ވަލްޑަމީރު ޕެޓްކޮވިޗެވެ. އޭނާ އެންމެ ފާހަގަ ކުރެވުނީ ސްވިޒަލޭންޑް ގޮވައިގެން ޔޫރޯގެ ކުއާޓާ ފައިނަލަށް އަދި ވޯލްޑް ކަޕް 2018ގެ ދެ ވަނަ ބުރަށް ދަތުރު ކުރި ކޯޗުގެ ގޮތުގަ އެވެ. އުމުރުން 62 އަހަރުގެ ކޯޗު އަލްޖީރިއާ ހަވާލުވީ 2014 ވަނަ އަހަރު އެވެ. އޭނާ ވަނީ އިޓަލީގެ ލާޒިއޯ އަށް އިޓާލިއަން ކަޕް ވެސް ހޯދައިދީފަ އެވެ.

ވޯލްޑް ކަޕުގެ ފޯމެޓް މިހާރު އޮތް ގޮތުން ގަދަ 16 އަށް ދެވުމަކީ ފަސޭހަ ކަމެއް ނޫން. ސަބަބަކީ ޓީމުތައް ގިނަވެ، ކުޅެންޖެހޭ މެޗުތައް ގިނަވުން. ދެން މި ގްރޫޕް ފަސޭހަ ނުވާނެ. އާޖެންޓީނާ އަކީ ފެވަރިޓް. އަހަރުމެން ފުރަތަމަ މެޗުގައި އެ މީހުންނާ ދެކޮޅަށް ކުޅެން ޖެހުމަކީ ވަރަށް ވިސްނަން ޖެހޭ ކަމެއް. އަހަރެން ދެކޭ ގޮތުގައި ގްރޫޕުގެ އަނެއް ތިން ޓީމަށް ވެސް އޮތީ ހަމަހަމަ ފުރުސަތެއް. ވިސްނުންތެރިކަމާއެކު ގޯސް ނުހަދާ ބަޔަކު ދެ ވަނަ ބުރަށް ދިއުން ގާތީ.