މެސީގެ ބޮޑު ކުރެހުމަށް 3ވަނަ ތަރި އިތުރުކޮށްފި

އާޖެންޓީނާގެ ރޯސާރިއޯގައި އެ ގައުމުގެ ގައުމީ ފުޓްބޯޅަ ޓީމުގެ ކެޕްޓަން ލިއޮނަލް މެސީއަށް ހާއްސަކޮށްގެން ފާރެއްގައި ކުރަހާފައިވާ ބޮޑު ކުރެހުމެއް، އާބާތުރަ ފިލުވައި އަލުން ދައްކާލައިފިއެވެ.

"ފްރޮމް އެނަދަރ ގެލެކްސީ އެންޑް މައި ސިޓީ" ގެ ނަމުން ނަންދީފައިވާ މި ކުރެހުމަކީ ރޯސާރިއޯގެ މެދުތެރޭގައި ހުރި އިމާރާތެއްގެ ފާރުގައި ކުރަހާފައިވާ 534 މީޓަރުގެ ބޮޑު ކުރެހުމެކެވެ. މިސައްކަތުގައި އިސްކޮށް އުޅުނު މާލީން ބުނި ގޮތުގައި، މި ކުރެހުން އާބާތުރަ ފިލުވުމަށް 300 ލީޓަރުގެ ކުލަ ބޭނުންކޮށްފައިވެއެވެ.

މި ކުރެހުމުން ފެންނަނީ، އާޖެންޓީނާގެ ގައުމީ ޖާޒީގައި މެސީ އަތް މޭގައި ބާއްވައިގެން ހުއްޓައެވެ. މިފަހަރުގެ އާބާތުރަ ފިލުވުމުގައި ގެނައި އެންމެ މުހިންމު އެއް ބަދަލަކީ، ޖާޒީގައިވާ އެ ގައުމުގެ ފުޓްބޯޅަ ފެޑެރޭޝަންގެ ނިޝާނުގެ މަތީގައި ތިން ވަނަ ތަރި ހިމެނުމެވެ.

މި މަޝްރޫއުގައި އިސްކޮށް އުޅޭ ލިސަންޑްރޯ އުރްޓިއާގާ ރޮއިޓާސްއަށް ކިޔައިދިން ގޮތުގައި، މި ތިން ތަރި އިތުރުކުރީ އާޖެންޓީނާއިން 2022 ވަނަ އަހަރުގެ ވޯލްޑް ކަޕް ކާމިޔާބު ކުރުމާ ގުޅިގެންނެވެ. 2021 ވަނަ އަހަރު މި ކުރެހުން ފުރަތަމަ ދައްކާލިއިރު، އާޖެންޓީނާއަށް ލިބިފައިވަނީ ދެ ވޯލްޑް ކަޕް ތައްޓެވެ.

މިހާރު އެމެރިކާ، ކެނެޑާ އަދި މެކްސިކޯގައި ކުރިއަށްދާ ވޯލްޑް ކަޕްގެ ކުއާޓަރ ފައިނަލްގައި އާޖެންޓީނާ އާއި ސްވިޒަލޭންޑް ބައްދަލުކުރާ މެޗުގެ ކުރިން އުރްޓިއާގާ ކައިރި މުސްތަގްބަލެއްގައި މި ކުރެހުމަށް އަނެއްކާވެސް އާ ބަދަލެއް ގެންނަން ޖެހިދާނެއެވެ. އެއީ 4 ވަނަ ތަރި ކުރަންޖެހުމެވެ.

މެސީ ވަނީ މިފަހަރުގެ ވޯލްޑް ކަޕުގައި 8 ލަނޑު ޖަހައި، ފްރާންސްގެ ކިލިއަން އެމްބާޕޭއާ އެކު ލަނޑު ލިސްޓުގެ އެންމެ ކުރިއަށް ޖެހިލާފައެވެ. މެސީއަކީ މިހާރު ޖުމްލަ 21 ލަނޑާއެކު، ވޯލްޑް ކަޕްގެ ތާރީޚުގައި އެންމެ ގިނަ ލަނޑު ޖެހި ކުޅުންތެރިޔާވެސް މެއެވެ.